O proxecto de investigación Fragments (PID2020-117541GB-IOO), financiado pola Axencia Estatal de Investigación e desenvolvido por membros do LVTC (Language Variation and Textual Categorisation), pertencente ao Departamento de Filoloxía Inglesa, Francesa e Alemá da Universidade de Vigo, oferta o seguinte contrato para persoal de investigación con cargo ao antedito proxecto.
Proceso de selección
A selección de persoas candidatas farase segundo a valoración dos "Requisitos e méritos" por unha comisión formada por membros do grupo de investigación. Se fóse necesario, as persoas candidatas coas puntuacións superiores serán convocadas a unha entrevista na que se avaliarán as súas competencias nas técnicas e metodoloxías correspondentes. Posteriormente, a comisión publicará a listaxe das persoas seleccionadas e de reserva. Se a avaliación non é satisfactoria, a comisión poderá declarar deserta a oferta de contrato.
Requisitos e méritos
- Formación regrada: Grao/Licenciatura ou equivalente e/ou posgraos afíns
- Coñecemento demostrado na liña de investigación
- Experiencia demostrable nas tarefas a desenvolver na liña de investigación
- Experiencia de traballo e colaboración en equipos de investigación da área de investigación
Características da contratación
- Duración: 5 meses a partir do 28/03/2022
- Modalidade: Tempo parcial 15 horas/semana; horario indicado por contratación (modificable con acordo da persoa contratada)
- Retribución bruta: 652,10 euros/mes
- Lugar de traballo: Facultade de Filoloxía e Tradución, Campus de Vigo, coa posibilidade de desenvolver parte ou a totalidade do traballo asociado de xeito telemático
Prazo
Envío da solicitude co CV (formato libre) ata o 20 de febreiro de 2022 ao correo electrónico: jperez@uvigo.es. Na fase de selección, non é necesario xustificar documentalmente os méritos.
Contrato 2022/04
- Liña de traballo: Análise segmental e entonativa de fragmentos en lingua inglesa.
- Ámbito: Filoloxía inglesa.
- Traballo a desenvolver:
- Selección de fragmentos no Santa Barbara Corpus of American English.
- Análise acústica segmental dos fragmentos seleccionados mediante Praat.
- Análise dos patróns entonativos dos fragmentos seleccionados mediante Praat e anotación dos mesmos segundo as convencións ToBI para o inglés americano.
- Horario: martes, mércores e xoves de 09:00 a 14:00 horas
